മാമ്മലശ്ശേരിയില്‍ നിന്ന്........പ്രവീണ്‍.

മാമ്മലശ്ശേരി-എന്റെ ഗ്രാമം

2011-08-07T06:13:00.000-07:00

മാമ്മലശ്ശേരി മാര്‍ മിഖായേല്‍ പള്ളിയുടെ ഐതിഹ്യം

എറണാകുളം ജില്ലയില്‍ പിറവത്തിനും രാമമംഗലത്തിനും മദ്ധ്യേ ചരിത്രമുറങ്ങുന്ന മാമ്മലശ്ശേരി എന്ന അനുഗ്രഹീതമായ സ്ഥലത്ത്‌ 1200 വര്‍ഷത്തോളം പഴക്കമുള്ള മാമ്മലശ്ശേരി മാര്‍ മിഖായേല്‍ പള്ളി പ്രൌഢഗംഭീരമായി നിലകൊള്ളുന്നു. 1159 ഓക്ടോബര്‍ മാസം 12, (കന്നി മാസം,29)- നായിരുന്നു, ഈ പള്ളിയുടെ കല്ലിട്ട പെരുന്നാള്‍. ഈ പള്ളിയുടെ പിറവിക്കു പിന്നില്‍ ഒരു ഐതീഹ്യം ഉണ്ട്‌. ഇവിടെ അടുത്തു തന്നെ ഉള്ള പിറവം പള്ളിയില്‍ കുര്‍ബ്ബാനക്കു പോകുന്നവര്‍ ഒരു വിചിത്ര ആചാരത്തെ നേരിടേണ്ടിയിരുന്നു. അവിടെ കുര്‍ബ്ബാനക്കായി വാതിലിലൂടെ കയറുന്നവര്‍, വാതിലിനു കുറുകെ കപ്യാര്‍ പിടിക്കുന്ന കൈയ്യിനു കീഴിലൂടെ കുമ്പിട്ടു വേണമായിറുന്നു അകത്തു പ്രവേശിക്കാന്‍. ഒരു ദിനം 'മറ്റമ്മേല്‍ മുത്തി' എന്ന ഒരു സ്ത്രീ അവിടെ ചെല്ലുകയും, അവര്‍ക്കും ഇതേ ദുരിതം നേരിടുകയും ചെയ്തു. കുനിയാതെ അവര്‍ക്കു പള്ളിക്കകത്തേക്കു കയറാന്‍ കഴിയുമായിരുന്നില്ല. ഒരു വല്യ കുടുംബത്തില്‍ ജീവിച്ചു വന്ന അവര്‍ക്കു ഇതു ശരിയായി തോന്നിയില്ല. അവര്‍ കുര്‍ബ്ബാന കൈക്കൊള്ളാതെ തിരിച്ച്‌ സ്വദേശമായ മാമ്മലശ്ശേരിയില്‍ വരികയും അവിടെ ഒരു പ്രദേശം കണ്ടു അവിടെ പള്ളി നിര്‍മ്മിക്കാനുറക്കുകയും ചെയ്തു. പക്ഷെ 'ഇഞ്ചക്കാടിനാല്‍' നിറഞ്ഞ അവിടം വെട്ടിത്തെളിക്കണമായിരുന്നു. ബുദ്ധിമതിയായ ആ സ്ത്രീ, അവിടുത്തെ നാട്ടുകാരുടെ മുന്നില്‍ വച്ച്‌ കുറെ സ്വര്‍ണ്ണനാണയങ്ങള്‍ ആ കാട്ടിലേക്കെറിയുകയും, നാട്ടുകാര്‍ ആ നാണയങ്ങള്‍ക്കായി അവിടം വെട്ടിത്തെളിക്കുകയും ചെയ്തു. അങ്ങനെ വൃത്തിയാക്കപ്പെട്ട അവിടെ പള്ളി പണിയുകയും ചെയ്തു എന്നാണ്‌ ഐതിഹ്യം.

Mammalassery Mar-Michael Church

The Mammalassery, Mar Michael Church is 1200 years old church, situated in Ernakulam district, between Piravom and Ramamangalam (India - Kerala). The 'Laid-Stone Day' of this church was on October-12-1159(Kanni,29 - in Malayalam month). There is an interesting story behind the birth of this church. The 'Piravom Church' , one of the nearest church to Mammalassery had a strange way of treatment to those who were visited the church for Holy Qurbana(Holy Offering). The people who want to enter inside the church through the door were blocked by the hand of the person of the church(call 'Kapyaar' in Malayalam[helper of the Priest]) and they have go below the crossed hand. One day a lady called 'Mattammel Muthy' had faced the same problem. She felt this as 'strange' because she is from a rich family. She came back to her native without attending the 'Holy Offering' and found a place to build a church. But the place which she found for the church, was full of bushes (with special plants found in Kerala,call 'Incha'-Inchakkad). The clever lady had an idea. She thrown some gold coins to that area infront the natives. For getting those coins they cleaned that area. Then the church was built in that place, which is now popularized as Mammalassery Mar Michael Church.

കഥ

2009-06-09T10:28:00.000-07:00

ഈയാമ്പാറ്റകൾ

നിധി തേടുന്നവർ,ഭാഗ്യം തേടുന്നവർ,അങ്ങനെയങ്ങനെ എത്രയെത്ര പേർ,ലക്ഷ്യത്തിലേക്കുള്ള കഠിനപ്രയാണം നടത്തുന്നു.എന്നാൽ അവരിൽ വിജയം കാണുന്നവർ അധികം പേരുണ്ടാവില്ല.അതുപോലാണിവിടേയും.എത്രപേരാണു അവർ.ഏതോ ഒരു വലിയ ലക്ഷ്യത്തിലേക്കാണു ആ പ്രയാണമെന്നു ഒറ്റ നോട്ടത്തിലറിയാം.നിരവധി പേരുണ്ടായിരുന്നു അവർ.കുറെ നേരമായി ആ യാത്ര ആരംഭിച്ചിട്ട്‌.ഇതിനകം പലതും തോറ്റുപിന്മാറി.ചിലർ ദുർവ്വിധിക്കിടയായി മരിക്കുകയും ചെയ്തു.ഇതൊന്നും കാണാതെയും കണക്കാക്കാതെയും ബാക്കിയുള്ളവർ യാത്ര തുടരുകയാണു,അവരുടെ ലക്ഷ്യത്തിലേക്ക്‌!ആ യാത്രയിൽ ഉള്ള കയറ്റങ്ങളും ഇറക്കങ്ങളും ഒക്കെ അവർ പ്രയാസത്തോടെയാണെങ്കിലും തരണം ചെയ്തുകോണ്ടിരുന്നു.തങ്ങൾക്ക്‌ മുൻപേ പോയ പലരും മരിച്ചു പുതഞ്ഞു കിടക്കുന്നതും,മരണത്തെ മുഖാമുഖം കാണുന്നതും അവർ കണ്ടു.പക്ഷെ,ലക്ഷ്യത്തിനു പ്രാധാന്യം നൽകുന്ന അവർ യാത്ര തുടർന്നു കൊണ്ടേയിരുന്നു.അതിലേക്കെത്താൻ അവരെന്തു നടപടിയും സ്വീകരിക്കും.കൂടെയുള്ളവരെ ബലികൊടുത്തു ലക്ഷ്യം കാണാനും അവർക്കു വിരുതേറും.ഉരുകിയൊലിക്കുന്ന ദ്രാവകത്തിൽപ്പെട്ട്‌ പലരും ഇതിനിടയിൽ മരിക്കുന്നുമുണ്ട്‌,കേട്ടോ.അതാ,അവർ എകദേശം ലക്ഷ്യത്തിലെത്താറായിരിക്കുന്നു.കനത്തചൂട്‌ അവരിൽ കടുത്ത ആഘാതമേൽപ്പിക്കുന്നുണ്ട്‌.അതാ,അതിൽ ചിലർ മരിച്ചു വീഴുന്നു.അഹോ,എന്തൊരു ദുർവ്വിധിയാണിത്‌!ശേഷിക്കുന്നവർ വീണ്ടും കയറി നെറുകയിലെത്തൂന്നുണ്ട്‌.എന്നാൽ ഏതാനും നിമിഷങ്ങൾക്കകം അവരും മരിച്ചു വീഴുകയാണു.ഇനിയാരും ആ സംഘത്തിൽ ശേഷിക്കുന്നില്ല.എല്ലാവരും അവരവരുടെ ജീവിതം നിമിഷങ്ങൾ കൊണ്ട്‌ ത്യജിച്ചിരിക്കുന്നു."ഹോ!,കറണ്ട്‌ വന്നല്ലോ,ആശ്വാസം.മോളേ,രേണൂ ഈ മെഴുകുതിരി കെടുത്തി അകത്തേക്ക്‌ വച്ചോളൂ.എന്നിട്ട്‌ താഴെ ചത്തുകിടക്കുന്ന ആ പ്രാണികളെ ഒക്കെ ഒന്നടിച്ചു വാരികളഞ്ഞേക്ക്‌.കേട്ടോ?"മനുഷ്യജീവിതത്തിലും ഇതു തന്നെയാണു സംഭവിക്കുന്നത്‌.ഒരു നിമിഷത്തിന്റെ മൂഢതയിൽ ജീവിതം പാഴാക്കുന്നു,വ്രഥാ പാഴ്ക്കനവുകൾക്കു പുറകെ നടന്ന്.

കവിത

2009-06-09T08:05:00.000-07:00

യോഗം

"മകനേ,നിനക്കു രാജയോഗം!"
ജ്യോത്സ്യൻ,ചൊല്ലിയതു കേട്ടു ഭ്രമിച്ചു ഞാൻ-
തേടിയിറങ്ങിയാ,യോഗത്തെ.
കനവുകളനവധി നെയ്തു ഞാൻ,
കടങ്ങളനവധി വാങ്ങി ഞാൻ.
ചിന്തിച്ചില്ലാ,ഞാൻ ഭാവിയെപ്പറ്റിയെന്തെന്നാൽ,
രാജയോഗമതെനിക്കുണ്ടല്ലോ.
സ്വത്തുക്കൾ പണയം വച്ചു എടുത്തൂ,
ആഡംബര വസ്തുക്കളനവധി ഞാൻ.
വന്നില്ല,രാജയോഗമിനിയും-
വറ്റാത്ത പ്രതീക്ഷയുമായ്‌, ഞാനും.
ഒരുനാൾ വന്നു "അത്‌"എൻ കൈയ്യിൽ,
രാജയോഗമല്ലതു,ജപ്തി നോട്ടീസ്‌!
തലപെരുത്തെന്റെ ബോധം മറഞ്ഞുപോയ്‌.
രാജയോഗം ചതിച്ചതിൽ,വിങ്ങിയെൻ മനമേറെനാൾ.
ശിഷ്ടകാലമെനിക്കൊരു യോഗമുണ്ടായ്‌,
നാടാകെ തെണ്ടി നടപ്പാൻ.
അതെ,അതുതന്നെ,ശകടയോഗം!

മാമ്മലശ്ശേരി-എന്റെ ഗ്രാമം

2008-12-16T06:17:00.000-08:00

മാമ്മലശ്ശേരിയിലെ പുതിയ സംഭവങ്ങള്‍

മാമ്മലശ്ശേരിയില്‍ പുതിയ ചില മാറ്റങ്ങള്‍ വന്നിട്ടുണ്ട്‌.കൃഷി വീണ്ടും സജീവമായിത്തുടങ്ങി.പാടങ്ങള്‍ ഹരിതഭംഗിയില്‍ നീരാടുകയാണു.മാറ്റങ്ങള്‍ ആളുകളുടെ ജീവതത്തിലും വന്നിട്ടുണ്ട്‌.സാങ്ഗേതിക വിദ്യയിലെ പുരോഗതിയാല്‍ പല വീടുകളിലും കമ്പ്യൂറ്റര്‍-ഇണ്റ്റെര്‍നെറ്റ്‌ വന്നുതുടങ്ങിയിരിക്കുന്നു.സാറ്റാലൈറ്റ്‌-ഡിഷ്‌ മിക്കയിടത്തും ആയി കഴിഞ്ഞിരിക്കുന്നു.വാഹനങ്ങളും മിക്കവര്‍ക്കും ആയി.അങ്ങനെ പുരോഗതിയുടെ പാതയിലേക്കു ഈ കൊച്ചു ഗ്രാമവും.

മാമ്മലശ്ശേരിയിലെ ഹരിതഭംഗിയാര്‍ന്ന പാടങ്ങള്‍. (The Greenish Village Farms In MAMMALASSERY.)

പച്ചക്കറി കൃഷി. (Vegetable Cultivation.)

NEW HAPPENINGS IN MAMMALASSERY

There is some new things have happened in Mammalassery. Agriculture activities are going on it’s full swing. The Farms have got a Greenish Touch.Some changes are happened in people’s life style also. It is because of the technological growth. Here are some houses Computer with Internet connection, Satalite-Dishes etc. which changes the overall style of this village. Most of the people have their own vehicles .In short our village has entered in the development race.

ജലസേചനത്തിനായുള്ള കനാല്‍.(Canal For Irrigation.)

ഈയിടെ പുതുക്കിപണിത കുളം.(Recently Renovated Pond.)

കഥ

2008-12-16T02:45:00.000-08:00

അഴുക്കുചാലുകള്

"ഞാന്‍ അന്നു വല്യ സുഖിമാനായിട്ടായിരുന്നു,വീട്ടില്‍ കഴിഞ്ഞിരുന്നതു.പണിക്കൊന്നും പോകതെ,തിന്നുംകുടിച്ചും കഴിഞ്ഞിരിരുന്ന കാലം.അന്നൊക്കെ വീട്ടില്‍ ആവശ്യത്തിലധികം സ്വത്തും ധനവും ഒക്കെ ഉണ്ടെന്ന അഹങ്കാരവും ഉണ്ടെന്നു വച്ചോളൂ.അതിനാല്‍ തന്നെ ഡിഗ്രിക്കു ശേഷവും ജോലിക്കൊന്നും പോകാന്‍ നോക്കിയില്ല.നന്നായി പണം ചെലവാക്കുമായിരുന്നു അന്ന്‌.ആവശ്യത്തിനല്ല,അനാവശ്യമായി.ചുമ്മാതെ കൂട്ടുകാരുമൊത്ത്‌ ചീട്ട്‌ കളിച്ചും മറ്റും.എന്നാല്‍ വീട്ടുകാര്‍ ഇതു ഇഷ്ട്ടപ്പെട്ടിരുന്നില്ല എന്നു മാത്രമല്ല,നന്നാവാനായി ഒരുപാട്‌ ഉപദേശിക്കുകയും ചെയ്തിരുന്നു. ആരു കേള്‍ക്കാന്‍? അവസാനം വീട്ടില്‍ നിന്ന്‌ ഇറക്കിവിടും എന്ന സ്ത്ഥി വരെ എത്തി കാര്യങ്ങള്‍.എന്നാല്‍ വല്യ അഭിമാനിയായതിനാല്‍ അതിനു മുന്‍പേ വീട്‌ വിട്ടു.എന്തുവന്നാലും കൂട്ടുകാര്‍ സഹായത്തിനുണ്ടാകും എന്ന വിശ്വാസവും ഉണ്ടായിരുന്നു എന്നു വച്ചോളൂ.ബോംബെയിലേക്കാണു പോയത്‌.അവിടെ ഒരുപാട്‌ കൂട്ടുകാര്‍ ഉണ്ടായിരുന്നു.അതും നല്ല നല്ല ജോലി ഉള്ളവര്‍!എണ്റ്റെ കൂടെ പഠിച്ചവര്‍!പക്ഷെ,ബൊംബെയിലെ ജീവിതവും ചുറ്റുപാടും എനിക്ക്‌ തീരെ ഇഷ്ടമായില്ല.വൃത്തികെട്ട കോളനികള്‍,തെരുവുകള്‍,കാനകള്‍ എല്ലാം എല്ലാം എന്നില്‍ വെറുപ്പുളവാക്കി.ഞാന്‍ കൂട്ടുകാരുടെ മുറി വിട്ട്‌ പുറത്തിരങ്ങാതായി.അങ്ങനെ കുറച്ചു നാള്‍ കൂട്ടുകാരുടെ തണലില്‍...പക്ഷെ അപ്പോഴെക്കും അവര്‍ക്കും എന്നെ മടുത്തു.അതവര്‍ പ്രകടിപ്പിച്ചു തുടങ്ങിയപ്പോഴേക്കും അവിടവും വിട്ടു.എന്നാലും ജോലി തേടാന്‍ അപ്പോഴും തയ്യാറായില്ല.നാട്ടില്‍ നല്ല രീതിയില്‍ ജീവിച്ച ഒരാളല്ലേ?അതാണു വിമുഖതക്കു കാരണം.ഒന്നു രണ്ടു ദിവസം പിടിച്ചു നിന്നു.പിന്നെ വയറെരിയാന്‍ തുടങ്ങി.അപ്പോള്‍ ജോലി അന്വേഷിച്ചുള്ള യാത്രയും തുടങ്ങി.വളരെ വൃത്തികെട്ട സാഹചര്യങ്ങളില്‍ ജോലി ചെയ്യേണ്ടി വന്നു.അറപ്പും വെറുപ്പും എന്താണെന്നു പോലും മറന്നു.അത്യാവശ്യം നല്ല ജീവിത സാഹചര്യങ്ങളും ജോലിയും ഒക്കെ കൈവന്നു.വിവാഹം കഴിച്ചു.പിന്നെ നാട്ടിലേക്കു വരണം എന്ന മോഹമായി.അതിനുള്ള യാത്രയില്‍ നിരവധി വൃത്തികെട്ട പാതകള്‍ താണ്ടി.അപ്പോഴോന്നും എണ്റ്റെ മനസ്സില്‍ ആ പഴയ അറപ്പുണ്ടായിരുന്നില്ല.നാട്ടില്‍ വന്നു കുടുംബപ്രശ്ങ്ങള്‍ എല്ലാം ഒതുക്കി നല്ല ജീവിതം നയിക്കുന്നു."ഇതാണു കഥ."അച്ചനുണ്ടായ ഈ അനുഭവത്തില്‍ നിന്നും മക്കള്‍ക്കു എന്തു മനസ്സിലായി?"തന്നെ ഉറ്റു നോക്കുന്ന കുട്ടികളോടായി അയാള്‍ തുടര്‍ന്നു."നമ്മള്‍ ഒരിക്കലും സമ്പത്തില്‍ അഹങ്ഗരിക്കരുത്‌,എല്ലാ സാഹചര്യങ്ങളുമായി പൊരുത്തപ്പെടാനും നാം പഠിക്കണം. "

കവിത

2008-12-15T23:03:00.000-08:00

അരങ്ങ്‌

അരങ്ങത്തവള്‍ ആടി കളിക്കുന്നു,
നില്‍പ്പൂ,നൂറായിരം പേരിതും നോക്കി.
കാണാം,ആ പിതാവിന്‍ കണ്ണിലശ്രു-
എന്തേ,സന്തോഷത്തിമിര്‍പ്പിനാലോ?
അല്ല!തണ്റ്റെ പ്രിയമകള്‍ വിട്ടു പിരിഞ്ഞതിനാല്‍!
ആ ദിനം അവരെ കണികാട്ടിയതാ-
മകളുടെ മൃതശരീരമായിരുന്നു .
ഉത്തരത്തില്‍ തൂങ്ങിയാടുകയാണവള്‍-
ആ,അരങ്ങിനും ഉണ്ടായിരുന്നായിരം പേര്‍!
ഒരു നിമിഷത്തിണ്റ്റെ മൂഢത തന്‍-ഫലം,
ഒരായിരം പേര്‍ക്കു നല്‍കിയവള്‍ യാത്രയായ്‌.
അവളുടെ പ്രേമവിലാപത്തിനു തടയിട്ട-
അച്ഛനവള്‍ കൊടുത്തതോ,മരണവിലാപം.
അരങ്ങത്തെ ദീപമണഞ്ഞുപോയ്‌-
നില്‍പ്പൂ,അമ്മതന്‍ തേങ്ങല്,
ആ അരങ്ങിന്‍ പുതു ദൃശ്യമായ്‌.

കഥ

2008-07-22T09:19:00.000-07:00

സര്‍ക്കസ്‌

പ്രാക്ടീസ്‌ കഴിഞ്ഞു വിശ്രമിക്കാനായി തണ്റ്റെ ടെണ്റ്റില്‍ എത്തിയതായിരുന്നു സുഭാഷ്‌.അയാള്‍ ടെണ്റ്റിലെത്തി തണ്റ്റെ കട്ടിലില്‍ കിടന്നു.എന്തുകൊണ്ടോ അയാളുടെ മനസ്സ്‌ അസ്വസ്ഥമായിരുന്നു.അയാളുടെ ചിന്തകള്‍ കുറച്ചു വര്‍ഷം പിന്നോട്ട്‌ സഞ്ചരിച്ചു.അന്നു പട്ടിണിയും പരിവട്ടവുമായി അമ്മയോടും അനിയനോടും കൂടി കഴിഞ്ഞിരുന്ന കാലം.അന്നൊക്കെ ഒരാഗ്രഹമേ അവനുണ്ടായിരുന്നുള്ളു.എങ്ങനെയെങ്കിലും സമ്പന്നനാകുക.തണ്റ്റെ അമ്മയുടേയും അനിയണ്റ്റേയും കൂടെ സുഖമായി ജീവിക്കുക.അതിനായി എന്തു വഴി സ്വീകരിക്കാനും അവന്‍ സന്നദ്ധനായിരുന്നു താനും. ആയിടക്കാണു സര്‍ക്കസ്‌ ആ നാട്ടില്‍ വന്നതു.അവനു സര്‍ക്കസിനോടു ഒരു പ്രത്യേക കമ്പം ആയിരുന്നു.പിന്നീട്‌ അതു സര്‍ക്കസ്സില്‍ കയറിക്കൂടാനും അതുവഴി തണ്റ്റെ സ്വപനസാക്ഷാത്കാരം നടത്തുവാനും ആ കുരുന്നു മനസ്സിനെ പ്രേരിപ്പിച്ചു.അവന്‍ ഈ ആഗ്രഹം തണ്റ്റെ അമ്മയോടു പറഞ്ഞു.പക്ഷെ അമ്മ സമ്മതിച്ചില്ലെന്നു മാത്രമല്ല,അവനെ അതില്‍ നിന്നും പിന്തിരിപ്പിക്കാനും ശ്രമിച്ചു.പക്ഷെ ,അവനു തണ്റ്റെ ആഗ്രഹത്തെ പിടിച്ചു നിര്‍ത്താനായില്ല.അവന്‍ എങ്ങനെയൊക്കെയോ ആ സര്‍ക്കസില്‍ കയരിപ്പറ്റി.അഭ്യാസങ്ങള്‍ പഠിച്ചെടുത്തു,പേരെടുത്തൂ;പക്ഷെ വിചാരൈച്ച പോലെ സമ്പന്നനാകാന്‍ പറ്റിയില്ലെന്നു മാത്രമല്ല,ദുരിതപൂറ്‍ണ്ണമായിരുന്നു പിന്നീടുള്ള ജീവിതം.വളര്‍ന്നിട്ടും അവനു ആ സര്‍ക്കസ്‌ ഉപെക്ഷിക്കാനായില്ല. അവന്‍ ആരുടെയൊക്കെയോ ബന്ധനത്തില്‍ ആയിരുന്നു.അയാളെ അവിടുത്തെ സര്‍ക്കസ്‌ മുതലാളിമാരായിരുന്നു നിയന്ത്രിച്ചിരുന്നത്‌.അവര്‍ അവനെ പീഡനങ്ങള്‍ക്കിരയക്കിയാക്കി.പുറം ലോകം കാണിക്കതെ അവര്‍ അവനെ ആ കൂടാരത്തില്‍ തളച്ചിടുകയായിരുന്നു.സര്‍ക്കസ്സില്‍ അവണ്റ്റെ ജീവിതം ഒരു ഞാണിന്‍മേല്‍ക്കളി ആയിരുന്നു.അവിടെ പല സഹപ്രവര്‍ത്തകരും മരണക്കിണറില്‍ വട്ടം കറങ്ങുന്നതു അയാല്‍ കണ്ടു.സമ്പത്ത്‌ മോഹിച്ചു ചെന്നു ചാടിയതു ഒരു തടവറയില്‍ ആയിരുന്നെന്ന് അയാള്‍ക്ക്‌ വളരെ വൈകിയാണു മനസ്സിലാക്കിയത്‌.പക്ഷെ ഏറെ വൈകിപ്പോയിരുന്നു.അതോര്‍ത്തപ്പോള്‍ അയാളുടെ കണ്ണില്‍ നിന്നും കണ്ണുനീര്‍ത്തുള്ളികള്‍ അടര്‍ന്നു വീണു.തണ്റ്റെ ഐറ്റവും കാത്തു ഉള്ള നീണ്ട കാത്തിരിപ്പ്‌.അതാണു ഇതു വരേയും അയാള്‍ അനുഭവിച്ചിട്ടുള്ളൂ.ഇനി ജീവിതാവസാനം വരേയും ഈ കാത്തിരിപ്പ്‌,തന്നെ.അതെല്ലാം ഒാര്‍ത്തു അയാള്‍ പൊട്ടിക്കരഞ്ഞു.തണ്റ്റെ അമ്മ തന്നെ ഈ വിപത്തില്‍ നിന്നു പിന്തിരിപ്പിക്കന്‍ ശ്രമിച്ചതു അയാള്‍ ഒാറ്‍ത്തു.സ്വന്തം കൂടപ്പിറപ്പിനെ ഒാര്‍ത്തു.എല്ലാം നഷ്ടപ്പെട്ടിരിക്കുന്നു.തന്നെ ഈ നിലയില്‍ എത്തിച്ച ആ നിമിഷത്തെ അയാള്‍ ശപിച്ചു.ഇതെല്ലാം ഒാര്‍ത്തു വിഷമിച്ചിരുന്ന അയാളെ തേടി അടുത്ത ഐറ്റത്തിനുള്ള വിളി വന്നു,അയാള്‍ക്കതിനു പോയെപറ്റൂ,മരണം വരെ.അയാള്‍ മരിച്ചാലും ആ ഷോ തുടര്‍ന്നു കൊണ്ടേയിരിക്കും....അതാണു 'സര്‍ക്കസ്‌'.

കഥ

2008-07-21T11:19:00.001-07:00

സ്വപ്നം

അരണ്ട വെളിച്ചം നിറഞ്ഞ ഒരു മുറിയിലാണു ഞാന്‍ ഇപ്പോള്‍.എന്തു ചെയ്യണമെന്നറിയാതിരുന്നപ്പോഴാണു പെട്ടെന്നൊരു പ്രകാശം എണ്റ്റെ കണ്ണുകളികളിലേക്കടിച്ചത്‌.ഞാന്‍ ആ ഭാഗത്തേക്ക്‌ നോക്കി. അവിടെ ആരോ നില്‍ക്കുന്നു. അല്ലാ,ആ രൂപം എണ്റ്റെ അടുത്തേക്ക്‌ നടന്ന് വന്നു. മെല്ലെ,മെല്ലെ ആ രൂപം വ്യക്തമായി വന്നു.ദേഹമാസകലം കറുത്ത തുണികൊണ്ട്‌ മരച്ചിരുന്നു. പേടികൊണ്ടോ എന്തോ ഞാന്‍ ആ രൂപത്തെ ഒന്നേ നോക്കിയുള്ളൂ.അപ്പോള്‍ അയാള്‍ തന്നെ സ്വയം പരിചയപ്പെടുത്തി.താന്‍ തിന്‍മകളുടെ രാജാവായ 'ചെകുത്താന്‍' ആണെന്നും,തന്നില്‍ വിശ്വസിക്കുന്ന ഏെതൊരാള്‍ക്കും താന്‍ സമ്പത്തും സൌഭാഗ്യങ്ങളും വാരിക്കോരി നല്‍കുമെന്നും മറ്റും പറഞ്ഞു.ഞാന്‍ വന്നിട്ടുള്ളതു നിന്നെ എണ്റ്റെ വിശ്വാസി ആക്കി മാറ്റാനാണെന്ന അയാളുടെ വാക്കുകള്‍ എന്നില്‍ ഭയം ഉളവാക്കി.പക്ഷെ,എന്നെ ലോകത്തില്‍ വച്ചേറ്റവും സമ്പന്നനാക്കാം,അതും ദുഷ്കര്‍മ്മങ്ങള്‍ ഒന്നും അനുഷ്ടിക്കാതെ തന്നെ എന്ന് അയാള്‍ പറഞ്ഞപ്പോള്‍ എണ്റ്റെ മനസ്സു അതിനെ അനുകൂലിച്ചു.എന്തു കൊണ്ടോ,വെറുതെ ചെകുത്താനില്‍ വിശ്വസിച്ചാല്‍ സമ്പന്നനാകാം,എന്നുണ്ടേല്‍ ഒന്നു പരീക്ഷിക്കാം എന്നു വച്ചതു കൊണ്ടാകാം എനിക്കു അപ്പോള്‍ അങ്ങനെ തോന്നിയത്‌.ഏെതായാലും അവസാനം അയാല്‍ എന്നെ പല പ്രലോഹനങ്ങള്‍ക്കും വശംവദനാക്കി,പൂര്‍ണ്ണ ഈശ്വര വിശ്വാസി ആയിരുന്ന എന്നെ അയാളുടെ ആളാക്കി മാറ്റി.പിന്നീടു ഒോരോ ദിനംതോരും ഞാന്‍ ധനികനായി വളര്‍ന്നു.അവസാനം ഒരുനാള്‍ സുഖലോലുപതയില്‍ കഴിഞ്ഞ എന്നെ 'മരണം' എന്ന സത്യം മറ്റൊരു ലോകത്തിലേക്കു കൊണ്ടുപോയി.അവിടെ ഞാന്‍ സ്വര്‍ഗ്ഗ കവാടം തുറക്കുന്നതും കാത്ത്‌ നിന്നു.പക്ഷെ,തുറന്നതു നരകവാതില്‍ ആയിരുന്നു.അതു തുറന്നെത്തിയ ആജാനബാഹുവായ ഒരു മനുഷ്യന്‍ ,തന്നെ 'കാലന്‍' എന്നു സ്വയം പരിചയപ്പെടുത്തി.എന്നിട്ട്‌ നരകത്തിലേക്ക്‌ ക്ഷണിച്ചു.പക്ഷെ,ഞാന്‍ അവിടെ തന്നെ നില്‍ക്കുന്ന കണ്ട കാലന്‍ കാരണം ആരാഞ്ഞു.ഞാന്‍ 'ചെകുത്താനെ' ഉപാസിച്ച കഥകല്‍ ഒക്കെ ഞാന്‍ അദ്ദേഹത്തോട്‌ വിവരിച്ചു.എന്നിട്ട്‌ ഒരു തെറ്റും ചെയ്യാത്ത എനിക്കെന്തിനു 'നരകം' തന്നു എന്നു ഞാന്‍ അദ്ദേഹത്തോടു ചോദിച്ചു.അപ്പോള്‍ അദ്ദേഹം ഒരു കഥയിലൂടെ എണ്റ്റെ തെറ്റ്‌ എനിക്കു വെളിവാക്കി തന്നു.അദ്ദേഹം ആ കഥയുടെ അവസാനം ഇപ്രകാരം കൂട്ടിച്ചേര്‍ത്തു,"പാപത്തിണ്റ്റെ പങ്ക്‌ പറ്റുന്നവനും പാപം ചെയ്തതിനു സമമാണു;അതിനാല്‍ അവനും ആ പാപത്തിണ്റ്റെ ഫലം അനുഭവിച്ചേ മതിയാവൂ." ഇതു കേട്ട്‌ ഞാന്‍ സ്തബ്തനായി നില്‍ക്കവെ കാലന്‍ എനിക്കുള്ള ശിക്ഷ നടപ്പാക്കനുള്ള തത്രപ്പാടിലായിരുന്നു.പെട്ടെന്നു ഞാന്‍ ചാടി എഴുന്നേറ്റു. 'ഹോ,അതൊരു സ്വപ്നമായിരുന്നു,ഞാന്‍ ആകെ പേടിച്ചു പോയി.' നോക്കുമ്പോള്‍ ക്ലോക്കില്‍ സമയം 6:00 മണി.ചാടിപിടച്ചെഴുന്നേറ്റ്‌ ധൃതിയില്‍ പ്രഭാതകൃത്യങ്ങള്‍ കഴിച്ചു.വേഷം മാരി വന്നപ്പോഴെക്കും അമ്മ കഴിക്കനുള്ളവ മേശയില്‍ നിരത്തിയിരുന്നു.അതു കഴിച്ചെന്ന് വരുത്തി ധൃതിയില്‍ ഒാഫീസിലേക്കു പോകാനിറങ്ങി.ഒരു ചെറുപുഞ്ചിരിയോടെ ഞാന്‍ ആ സമയം അമ്മയോടു ചോദിച്ചു;"അമ്മേ, ഈ വെളുപ്പാം കാലത്തു കാണുന്ന സ്വപ്നം ഫലിക്കുമോ?" എന്നു.അതു മനസ്സിലാകത്തവണ്ണം അമ്മ "എന്താണിപ്പോല്‍ നിനക്കങ്ങനെ തോന്നാന്‍?" എന്നൊരു മറുചോദ്യമെറിഞ്ഞു."ഒന്നുമില്ലമ്മേ" എന്നും പറഞ്ഞു ആ സ്വപനത്തെക്കുറിച്ചു ഒാറ്‍ത്തുകൊണ്ട്‌ ബസ്‌ സ്റ്റോപ്പ്‌ ലക്ഷ്യമാക്കി ഞാന്‍ നടന്നു.

മാമ്മലശ്ശേരി-എന്റെ ഗ്രാമം

2008-07-21T08:50:00.000-07:00

ചേക്കിണ്റ്റെ കാവല്‍നായ

"ചേക്കിണ്റ്റെ കാവല്‍നായ" എന്നു കേള്‍ക്കുമ്പോള്‍ മലയാള സിനിമയുമായി എന്തെങ്കിലും സാമ്യം തോന്നുന്നുണ്ടോ? അതെ,ശരിയാണു.മലയാളത്തില്‍ ഇറങ്ങിയ 'മീശമാധവന്‍' എന്ന 'ലാല്‍ ജോസ്‌' ചിത്രത്തില്‍ ദിലീപിണ്റ്റെ കഥാപാത്രത്തെ വിശേഷിപ്പിക്കുന്ന 'ചേക്കിണ്റ്റെ കള്ളന്‍' എന്നതുമായി ഇതിനു സാമ്യമുണ്ട്‌.മാമ്മലശ്ശേരിയില്‍ അങ്ങനെ വിശേഷിപ്പിക്കാവുന്ന ഒരു നായ ഉണ്ട്‌. അതിനെ ഇവിടുത്തെ നാട്ടുകാറ്‍ വിളിക്കുന്നത്‌ ' ദിനേശന്‍ ' എന്നാണു.ആ നായ എവിടുത്തെ അണെന്നോ,ആരുടെ ആണെന്നൊ, കൃത്യമായ ഒരു വിവരം ലഭ്യമല്ല.പക്ഷെ,അതു ഇവിടുത്തെ എല്ലാവരുടേയും സ്വന്തം അണു.എല്ലാ വീടുകളിലും അവനു പ്രവേശനം ഉണ്ട്‌.എല്ലയിടത്തും അവനു ഭക്ഷ്ണമുണ്ട്‌.അതുപൊലെ തന്നെയാണു അവനു നാട്ടുകാരും.ഒരു പ്രാവശ്യം ഈ നാട്ടിലെ ഒരാളെ അവന്‍ കണ്ടാല്‍ പിന്നെ അവന്‍ അയാളെ മറക്കുകയില്ല.അവരെ ഉപദ്രവിക്കുകയും ഇല്ല.അല്ലാതെ ഒരാളെ എങ്ങാന്‍ അവന്‍ കണ്ടാല്‍ കുരച്ചു കൊണ്ടു മുന്നോട്ടു ചാടുകയായി.പിന്നെ പറയണ്ടല്ലോ?അതു പോലെ തന്നെയാണു ഈ നാട്ടില്‍ അവന്‍ കണ്ടിട്ടില്ലാത്ത വാഹനങ്ങള്‍ വന്നാലും.അങ്ങനെ നാട്ടില്‍ എല്ലാവരുടേയും ഒരു കാവല്‍ക്കാരനായി,'ചേക്കിണ്റ്റെ കാവല്‍നായ'യായി ' ദിനേശന്‍ ' നിലകൊള്ളുന്നു. 'ജയ്‌ ദിനേശാ!'

THE VILLAGE WATCH DOG

"THE VILLAGE WATCH DOG" is a term taken from the MALAYALAM MOVIE (MOVIE IN KERALA LANGUAGE),"MEESAMADHAVAN",which is directed by Famous Malayalam Film director LAL JOSE. The name of the character played by Dileep(FAMOUS MALAYALAM MOVIE ARTIST),in this Film was called "CHEKKILE KALLAN"("VILLAGE's OWN THIEF".).This is the word used in this article as it's title.There is a Dog in MAMMALASSERY to whom we can called "VILLAGE's OWN WATCHDOG".The villagers called him as "DINESHAN".No one knows from where this Dog is came from? or who is it's owner? He is the common watch dog for all the people in this village.He has got the power to enter into all of all houses in this village&he gets his food too.And he likes the villagers too.he don't make any troubles when he saw someone who is already in his memory.But if he saw some strangers,all the scenes will change.He will attack them.This is similar to any other vechicles which he doesn't saw before.Whatever may be,he is the "WATCH DOG" for this village and can be called "VILLAGE's OWN WATCH DOG"."JAI DINESHA!"

മാമ്മലശ്ശേരി-എന്റെ ഗ്രാമം

2008-07-20T03:55:00.000-07:00

മാമ്മലശ്ശേരിയിലെ പുതിയവിശേഷങ്ങള്‍

മാമ്മലശ്ശേരിയിലെ വിശേഷങ്ങള്‍ കുറച്ച്‌ കാലമായി എനിക്കു അറിയിക്കാന്‍ സാഹചര്യവശാല്‍ കഴിഞ്ഞില്ല....അതിനാല്‍ അവയില്‍ ചിലതു ചുരുക്കി ഞാന്‍ വിവരിക്കാം.മാമ്മലശ്ശേരിയില്‍ കൃഷി ആണല്ലോ മുഖ്യമായ ഒന്ന്.അതാണെങ്കില്‍ കുറയുകയും ചെയ്യുന്നു.പക്ഷെ കൃഷിയാവശ്യങ്ങള്‍ക്കായി.ഒരു കനാല്‍ നിര്‍മ്മാണം ഈ ഇടക്കിവിടെ നടക്കുകയുണ്ടായി.മാത്രമല്ല,ഇത്തവണ കൊയ്ത്ത്‌ യന്ത്രവും ഇവിടെ പരീക്ഷിച്ച്‌ വിജയിപ്പിച്ചു.എന്നാലും കൃഷി വേണ്ട വിധത്തില്‍ വളരുന്നില്ല,എന്നതാണു സത്യം.മാമ്മശ്ശേരി ഗവണ്‍മണ്റ്റ്‌ ഹയര്‍ സെക്കണ്റ്ററി സ്കൂള്‍ ചരിത്രത്തിലാദ്യമായി എസ്‌.എസ്‌.എല്‍.സി. ക്കു 100% വിജയം (2008)വരിച്ചു എന്നതു എടുത്ത്‌ പറയേണ്ട ഒന്നാണു.അതുപോലെ തന്നെ ഹയര്‍ സെക്കണ്റ്ററിയും നല്ല നിലവാരം പുലര്‍ത്തി.ഇവിടുത്തെ ജനങ്ങളുടെ ജീവിത നിലവാരവും ഉയര്‍ന്നിട്ടുണ്ട്‌.മറ്റ്‌ വിശേഷങ്ങള്‍ പുറകെയാകാം.തല്‍ക്കാലം നിര്‍ത്തുന്നു.

മാമ്മലശ്ശേരിയിലെ സൂര്യോദയം.(The Sunrise in Mammalassery)

കൊയ്ത്ത്‌ യന്ത്രം പാടത്തിറക്കിയപ്പോള്‍. (The Introducing of FARM CULTIVATING MACHINE)

പാടങ്ങള്‍ വിളവെടുപ്പിനു ശേഷം.(Farms after Cultivation.)

കനാല്‍ പണി നടക്കുന്ന സമയം.(Canal construction in farms.)

NEWS FROM MAMMALASSERY

There is a big delay in publishing the recent informations about Mammalassery.Firstly,Sorry for all that .Here I describe some of the recent news . In Mammalassery,Agriculture is the most relevant one. Here is some developments like building new Canal for irrigation and implementation of Farm Cultivating Machine etc have been taken placed. The farm cultivating machine was a success in our fields. But after the implementation of all these, unfortunately there is no improvements in our farming. Mammalassery Government Higher Secondary School has achieved a great goal. They had got a prospect of 100% results in SSLC Exams during this Year(2008).And they also got a good percentage of results in Higher Secondary results. The standards of living of people in this area are also increased. Now take a short break for the next developments in Mammalssery. Wait until then.

കവിത

2007-10-20T03:50:00.000-07:00

മനുഷ്യക്കുരുതി

കുട്ടി, തുമ്പിയെ കൊണ്ടു കല്ലെടുപ്പിക്കുന്നതു നോക്കി-
ചിരിക്കും,കളിയെന്നു കരുതും, മാതാപിതാക്കള്‍।
ഈ കളി ഒരുനാള്‍ കാര്യമാകും-
അവന്‍ വളരുമ്പോള്‍;അതവരുണ്ടോ അരിവൂ!
അവനെ കൊണ്ടു മറ്റുചിലര്‍ കല്ലെടുപ്പിക്കും।
അവന്റെ ഭാവിയവര്‍ തകര്‍ക്കുമതിലൂടെ।
കലാലയ രാഷ്ട്രീയമാണതിന്‍ വാതില്‍,
ഇതിലൂടവന്‍ കടന്നാലവര്‍ അവനെ-
അവരുടെ നാടകത്തിന്‍ പാവയാക്കും,
കല്ലെടുപ്പിച്ചിടും,അക്രമത്തിലേക്കു നയിച്ചിടും।
ഒരുനാളവന്‍ ഇതിലൂടെ പോയാല്‍-
വരാനാവില്ലാ, തിരിച്ചൊരു നാളും।
തീപ്പന്തത്തിനു ചുറ്റും പാറും-
ഈയാമ്പ്പാറ്റ പോലവന്‍ ജീവന്‍ ഹോമിച്ചിടും।
അനേകം 'നാടക'മാടുമാ,'ദ്രോഹികള്‍',
അവനെ ഉപയോഗിച്ചതു വിജയിപ്പിച്ചിടും,
ഒടുവിലവനായവര്‍, സ്മാരകമുയര്‍ത്തിടും।
യുവത്വത്തിന്റെ ചോരത്തിളപ്പിലവന്റെ ചെയ്തികള്‍,
അവന്റെ ചോരചിന്തലില്‍ അലിഞ്ഞുപോകവേ,
മാതാപിതാക്കളുടെ 'ചിരി'യൊരു രോദനമായ്‌ ഉണരുന്‍പോള്‍,
അവന്റെ ആത്മാവിന്‍ പശ്ചാത്താപ-
തേങ്ങലുകള്‍ അന്തരീക്ഷത്തില്‍ മുഴങ്ങിടും।
ആരതു കേള്‍ക്കാന്‍,ആരാ കണ്ണീര്‍ കാണാന്‍!
പരിശ്രമിക്ക,നാം വരുംതലമുറയെ-
ഈ വിപത്തിലേക്കെടുത്തെറിയാതിക്കാന്‍।

മാമ്മലശ്ശേരി-എന്റെ ഗ്രാമം

2007-10-20T03:39:00.000-07:00

കാലാവസ്ഥാ വ്യതിയാനം
ഇപ്പോഴുള്ള ഇവിടുത്തെ കാലാവസ്ഥ പ്രവചനാതീതമാണു।എപ്പോഴാണു മഴ പെയ്യുക,എപ്പോഴാണു വെയില്‍ വരിക...എന്നൊന്നും പറയാനാവാത്ത ഒരവസ്ഥ.ഇവിടെ മാത്രമല്ല, കേരളത്തിലുടനീളം ഇപ്പോള്‍ ഇങ്ങനെയാണു കേട്ടോ.ഒന്നിനും ഒരു സ്ഥിരതയുമില്ലാത്തൊരവസ്ഥ...ഈ കഴിഞ്ഞ ദിവസങ്ങളില്‍ (2007 ഒക്ടോബര്‍ ആദ്യ ആഴ്ച)ഉണ്ടായ കനത്ത മഴയിലും ശക്തമായ ഇടിയിലും ഈ പ്രദേശത്ത്‌ വളരെ അധികം നാശ്നഷ്ടങ്ങള്‍ ഉണ്ടായി.അതില്‍ പലരുടെയും ടെലഫോണ്‍ ബന്ധം തകരാറയി എന്നുള്ളതാണു മുഖ്യമായത്‌.പിന്നെ നിരവധിപേരുടെ ഇലട്രോണിക്‌ സാമഗ്രികളും തകരാറിലായി.പിന്നെ കര്‍ഷകര്‍ക്ക്‌ വേണ്ടവിധം കൃഷിക്കുള്ള ഒരുക്കങ്ങള്‍ക്കോ, റബ്ബര്‍ ഉള്ളവര്‍ക്ക്‌ അതു നേരാംവണ്ണം വെട്ടുന്നതിനോ കഴിഞ്ഞില്ല.ഇപ്പോഴുള്ള ഈ കാലാവസ്ഥ ജനങ്ങളെ ദുരിതത്തിലാഴ്ത്തിയിരിക്കുകയണു.

Climate Changes

Here, now-a-days the climate is unpredictable. When then rain comes or when it will clear, is not a predictable one. Not only here, all over Kerala, this is the situation. Due to the strong Rain and Thunder (The first weeks of 2007 October), some loss making things has happened here. The telephone system of most of the people has been damaged. The electrical appliances of some peoples have also been damaged. The farmers here caused difficulty due the climate in their cultivation and the Rubber Tree tapping has also inapplicable in this situation. This climate condition has miserable to the people here.

കഥ

2007-10-12T01:30:00.000-07:00

ഒരു പ്രണയകഥ

അവനു അവളോട്‌ ഇഷ്ടമായിരുന്നു. അതൊരിക്കലും ഒരു തെറ്റേ അല്ലാ..പ്രേമത്തിനു കണ്ണും മൂക്കുമൊന്നുമില്ലെന്നതു പോലെ തന്നെ പ്രേമിക്കുന്നവര്‍ക്കും അവയൊന്നുമില്ല...അവന്‍ അന്ന് കോളേജില്‍ മൂന്നാം വര്‍ഷ ബിരുദ വിദ്യാര്‍ത്ഥിയണു....നന്നായിട്ട്‌ പഠിക്കുന്ന കുട്ടി,എല്ലാത്തരത്തിലുള്ള കോളേജ്‌ കലാപ്രവര്‍ത്തനങ്ങളിലും മുന്നില്‍ നില്‍ക്കുന്നവന്‍ എന്നൊക്കെയാണു അദ്ധ്യാപകര്‍ അവനെ പറ്റി പറഞ്ഞിരുന്നത്‌।അങ്ങനെയിരിക്കെ ഒന്നാം വര്‍ഷ വിദ്യാര്‍ത്ഥികള്‍ വന്നു.എല്ലാ കോളേജിലും ഉള്ളപോലെ അവന്‍ കൂട്ടുകാരുമൊത്ത്‌ അവരെ പരിചയപ്പെടാന്‍ പോകുമായിരുന്നു.അങ്ങനെ പോയി,പൊയി ഒരു പെണ്‍കുട്ടിയോട്‌ അവനു ഇഷ്ടം തോന്നി॥പിന്നെ അവന്‍ തന്റെ ഇംഗിതം ആ കുട്ടിയെ അറിയിക്കാന്‍ കൂട്ടുകാരുമൊത്ത്‌ അവളെ സമീപിച്ചു.കൂട്ടുകാര്‍ അതിനായി ഒത്തിരി പരിശ്രമിച്ചു.അവര്‍ തങ്ങളുടെ കൂട്ടുകാരനോടുള്ള കടമ നിരവേറ്റി.ഒത്തിരി എതിര്‍പ്പുകള്‍ക്കൊടുവില്‍ ആ കുട്ടി അവനോട്‌ ഇഷ്ടമാണെന്ന് പറഞ്ഞു.ഈ പ്രണയബന്ധം ദിനംതോറും വളര്‍ന്നു വന്നു.അവര്‍ പിരിയാന്‍ വയ്യാത്തവിധം അടുത്തു.അവര്‍ തങ്ങളുടെ ജീവിതം ഒന്നിചു ജീവിച്ച്‌ തീര്‍ക്കാമെന്ന തീരുമാനത്തിലെത്തി.ഈ കഥകളൊക്കെ ഇരുവരുടേയും വീടുകളിലറിഞ്ഞു.അതു പിന്നെ വലിയ പ്രശ്നങ്ങളിലേക്ക്‌ വഴിതെളിച്ചു.പിന്നീട്‌ സിനിമകളില്‍ കാണുമ്പോലെ തന്നെ അവര്‍ ഒളിച്ചോട്ടം എന്ന "പ്രക്രിയ" തന്നെ തിരഞ്ഞെടുത്തു.ഇവര്‍ എങ്ങോട്ടാണു ഒളിച്ചോടുന്നത്‌??? ആരില്‍ നിന്നാണു ഇവര്‍ ഒളിച്ചോടുന്നത്‌??? അറിയില്ല....ഇതുവരെ ഒക്കെ ആക്കിയെടുക്കാന്‍ പരിശ്രമിച്ചവരില്‍ നിന്നോ??? ഒടുവില്‍ മാതാപിതാക്കളുടെ ഒരുപിടി സ്വപ്നങ്ങള്‍ കാറ്റില്‍ പറത്തി അവര്‍ എങ്ങോട്ടോ പോയി...നീറുന്ന മനസ്സുമായി തങ്ങളുടെ ഒറ്റ മകന്‍ നഷ്ടപ്പെട്ട വിഷമത്തില്‍ അവന്റെ മാതാപിതാക്കള്‍,പൊന്നുപൊലെ വളര്‍ത്തിയ മകള്‍ നഷ്ടപ്പെട്ട വിഷമത്തില്‍ അവളുടെ മാതാപിതാക്കള്‍...അങ്ങനെ കുറെയധികം നാളുകള്‍...പിന്നീട്‌ ബൃഹ്ത്തായ ജീവിതസ്വപ്നങ്ങള്‍ പ്രണയകാലത്ത്‌ നെയ്ത അവരുടെ ജീവിതത്തില്‍ വിള്ളലുകള്‍ വീഴുന്നു...അവര്‍ ഒരു കാലത്ത്‌ "പവിത്രം" അണെന്നു പറഞ്ഞു കൊണ്ടുനടന്ന ബന്ധം മുറിച്ചു മാറ്റുന്നു.അവന്‍ തകര്‍ന്നമനസ്സോടും അതിലുപരിയായുള്ള കുറ്റബോധത്തോടും കൂടി തന്റെ വീട്ടിലേക്കു തിരിച്ചു.പക്ഷെ, അവന്‍ വരാന്‍ വൈകിപ്പോയി...അവിടെയെത്തിയ അവനെ വരവേറ്റതു തന്റെ മാതാപിതാക്കളുടെ അസ്ഥിത്തറകളായിരുന്നു.അവന്റെ കണ്ണില്‍ നിന്നും അപ്പോള്‍ അടര്‍ന്നുവീണ കണ്ണുനീരില്‍ പശ്ച്ചാത്താപം നിഴലിച്ചിരുന്നു.എല്ലാത്തിനുമൊടുവില്‍ ഈ കണ്ണുനീര്‍ എന്തിനു പരിഹരമാകും?? അവസാനകാലത്ത്‌ ഒരിറ്റ്‌ വെള്ളം തരാന്‍ മകന്‍ അടുത്തു വേണമെന്ന് ആഗ്രഹിച്ച ആ മാതാപിതാക്കളുടെ കണ്ണുനീരിന്റെ വില അവന്റെ കണ്ണില്‍ നിന്നും വീണ ആ കണ്ണീര്‍ കണങ്ങള്‍ക്കില്ല....

മാമ്മലശ്ശേരി-എന്റെ ഗ്രാമം

2007-10-12T01:18:00.000-07:00

മാമ്മലശ്ശേരിയിലെ പുതിയ സംഭവ വികാസങ്ങള്‍

മാമ്മലശ്ശേരിയില്‍ ഇപ്പോള്‍ കൃഷിക്കു വേണ്ടി നിലമൊരുക്കുന്നതിരക്കിലാണു ആള്‍ക്കാര്‍.പാടത്ത്‌ ഒട്ടാകെ അതിന്റെ തിരക്കാണു.ഈ ഇടക്കുണ്ടായ കനത്ത മഴ ഇവിടുത്തെ കൃഷിയിറക്കലിനേയും റബ്ബര്‍ വെട്ടുന്നതിനേയും ഒക്കെ സാരമായി ബാധിച്ചിട്ടുണ്ട്‌.ഇനി കാലാവസ്ഥ വ്യതിയാനം വരില്ലെന്നാണു എല്ലാവരുടെയും പ്രതിക്ഷ....പിന്നെ അടുത്തിടെ ഇവിടെ അടുത്ത്‌ അടുത്തായി മരണങ്ങള്‍ നടക്കുകയുണ്ടായി.വി.കെ.വര്‍ഗ്ഗീസ്‌(വീണാമഠം),പരമു നായര്‍(പുളിമഠം),പി.സി.ചാക്കോ(പയ്യാറ്റില്‍)എന്നിവര്‍ അടുത്തയിടക്കു മരിച്ചവരാണു.അപ്രതീക്ഷിതമായിരുന്നു ഇവരുടെയൊക്കെ മരണങ്ങള്‍.കൂടതല്‍ വിവരങ്ങള്‍ പിന്നെയാകട്ടെ..

കണ്ടം പൂട്ടുന്നു.(Tilthing The Farm)

ട്രില്ലര്‍ കണ്ടത്തില്‍ ഇറങ്ങിയപ്പോള്‍.(Triller On The Paddy Field.)

NEWS FROM MAMMALASSERY
Now, here peoples are engaged into make the farms ready for cultivation. The continuous rain makes them difficulty in doing their work. But they are now engaged in their work in a confidence that the weather do not affect the farming. The other thing happened here are the unexpected deaths of some people. V.K.Varghese (Veenamadham), Paramu Nair (Pulimadhathil), P.C.Chakko (Payyattil) is the peoples.No news are there, may be later…

മാമ്മലശ്ശേരി-എന്റെ ഗ്രാമം

2007-09-07T22:52:00.000-07:00

മാമ്മലശ്ശേരിയില്‍ നെല്‍പ്പാടങ്ങള്‍ ഇല്ലാതാവുന്നു....

നെല്‍കൃഷി ഒരു കാലത്ത്‌ വ്യാപകമായിരുന്ന മാമ്മലശ്ശേരിയില്‍ ഇപ്പൊള്‍ നെല്ല് വിളയുന്ന പാടങ്ങള്‍ കാണാനില്ല।ഒരു കണക്കിനു നെല്‍കൃഷി നഷ്ടമാണെന്ന് ഉള്ളതാവാം കാരണം...പണ്ടൊക്കെ നെല്‍പ്പാടങ്ങള്‍ ഈ ഗ്രാമത്തിനൊരഴകായിരുന്നു।ഇവിടുള്ളവരുടെ പ്രധാന ജീവിതമാര്‍ഗ്ഗവും കൃഷികളായിരുന്നു.പക്ഷെ ഇന്ന് കാലം മാറി,കൃഷി തന്നെ വിരലിലെണ്ണാവുന്നവരെ ചെയ്യുന്നുള്ളൂ!നെല്‍കൃഷി പടെ നിന്നെന്നു പറയാം.പലര്‍ക്കും അതിനൊന്നും സമയമില്ലെന്നു ഉള്ളതാണൊരു കാരണം.കൃഷിയിടങ്ങള്‍ ഇഷ്ടികകളങ്ങള്‍ ആയിമറിയിരിക്കുന്നു.ഉള്ള പാടങ്ങള്‍ തന്നെ ആളുകള്‍ നികത്തി തുടങ്ങിയിരിക്കുന്നു.കേരളത്തിലെ മിക്ക ഗ്രാമങ്ങളുടേയും കാര്യങ്ങള്‍ ഇങ്ങനെ തന്നെയണു.വരും കാലം നാം അരിക്കായി മറ്റ്‌ സംസ്ഥാങ്ങളെ ആശ്രയിക്കേണ്ടി വരും...

കേരനിരകള്‍(The Coconut Trees)

മാമ്മലശ്ശേരിയിലെ പാടങ്ങള്‍(Farms In Mammalassery)

The Farms in Mammalassery were gone out!

There are lots of paddy fields in Mammalassery were fade into memory। One reason may be the loss from the farming। In earlier days the farms add Beauty to our village। The main source of income is farming, in earlier days। But now-a-days there is a small part of the villagers are doing farming in Mammalassery! Some people have no time for doing farming। Most of the Paddy fields were converted into Brick production units॥ The remaining fields become filled in. It is the state of all villages in Kerala. In future Kerala will bring rice from the other states…

ഇവിടുത്തെ റബ്ബര്‍ കൃഷി (The Rubber Trees)

മുവാറ്റുപുഴയാര്‍ (Muvattupuzhayaar(River))

മാമ്മലശ്ശേരി-എന്റെ ഗ്രാമം

2007-09-07T21:45:00.000-07:00

മാമ്മലശ്ശേരിയിലെ പഴയ ഓണക്കാലം...

മാമ്മലശ്ശേരിയില്‍ ഇത്തവണ ആരും പഴയതു പോലെ ഓണം ആഘോഷിച്ചില്ല.ആ പഴയ ഓണക്കാലമൊക്കെ എങ്ങോ പോയി.പലര്‍ക്കും പഴയപോലെ ഓണം ആഘോഷിക്കാന്‍ സമയമില്ലെന്നതു തന്നെ കാരണം...ഇവിടെ കുട്ടികള്‍ക്കൊക്കെ ഓണം അഘോഷിക്കാന്‍ പണ്ടു ഉത്സാഹം ആയിരുന്നു.പക്ഷെ ഇന്ന് അതും ഇല്ലാതായി.ചിലര്‍ക്ക്‌ ആചാരങ്ങള്‍ മൂലമാണു ഓണം ആഘോഷിക്കാന്‍ കഴിയത്തത്‌.എന്നു പറഞ്ഞാല്‍ ഈ ഇടക്ക്‌ ഇവിടെ മരണങ്ങള്‍ വളരെ ഉണ്ടായി.അതിന്‍ ഫലമായി പുല,മറ്റ്‌ കര്‍മ്മങ്ങള്‍ മുതലായവ കാരണം ഓണം അഘോഷിക്കാന്‍ പലര്‍ക്കും കഴിഞ്ഞില്ല.പക്ഷെ ഇതൊന്നും ഇല്ലാത്തവരും ഇത്തവണ ഓണം അഘോഷിച്ചില്ല.ഇതിവിടുത്തെ മാത്രം കാര്യമല്ല കേട്ടോ...കേരളം മുഴുവന്‍ അങ്ങനെയാണു.ഇന്ന് കേരളീയരുടെ ഓണം ടി.വി. എന്ന മാധ്യമത്തിനു മുന്നില്‍ മാത്രമായി ഒതുങ്ങി...കലികാലം...അത്രതന്നെ..

Onam in Mammalassery

Now a days there is no Onam Celebrations(The National Festival of Kerala) are in Mammalassey. In past days there is Onam is celebrated all people in Mammalassery with great joy. Not only the elders but also the children have no interest in Onam celebration here. It is a fact that there is no celebration of Onam in Kerala also. All people in Kerala celebrating Onam in T.V. now-a –days!

കവിത

2007-09-03T05:31:00.000-07:00

ജീവിതയാത്ര

ഇലപൊഴിയും പോലെ കൊഴിയും ദിനങ്ങള്‍,
ജീവിതപാതയിലൂടെ നടന്നകലുമ്പോള്‍,
മാഞ്ഞുപോം,വന്ന വഴികളെല്ലാം-
ശിശിരത്തില്‍ ഇലകള്‍ പൊഴിയും പോലെ!
ജീവിതയാത്രയിലെ പങ്കാളികളും,
അപ്രകാരമേ കൊഴിവൂ എന്നെങ്കിലും.
പങ്കാളികള്‍ ആരുമാകട്ടെ,അവര്‍-
ഉറ്റവരുടയവര്‍ ആരുമാകിലും,
അറ്റുപോകും നമ്മില്‍ നിന്നൊരുദിനം.
ഈ യാത്രയിലുണ്ടാം ഉയര്‍ച്ചതാഴ്ച്ചകള്‍!
വന്ന വഴികള്‍ മറക്കാതെ പോകുകില്‍-
എത്തും നാം ആ പാതയുടെ അന്ത്യത്തില്‍,
അവിടെ നാം കാണും വാതിലുകളിലൊന്ന്-
തുറക്കും നമ്മുടെ ചെയ്യ്തികളുടെ ഫലമായ്‌.
സല്‍പ്രവ്യത്തികള്‍ ചെയ്യുകില്‍ സ്വര്‍ഗ്ഗവാതിലും,
ദുഷ്‌ പ്രവ്യത്തിയാല്‍ നരകവാതിലും തുറന്നിടും.
പ്രയത്നിക്ക, നാം ജീവിതയാത്രയില്‍,
സല്‍പ്രവ്യത്തിക്കായ്‌,സ്വര്‍ഗ്ഗവാതില്‍ തുറപ്പാനായ്‌!

കഥ

2007-09-02T21:06:00.000-07:00

ചിന്താപഥം

എറണാകുളത്ത്‌ 9 മണി ആകുമ്പൊഴേക്കും എത്തണമെന്നു വിചാരിച്ചു ഞാന്‍ ഒരു ബസ്സില്‍ കയറി ഇരുന്നു.എന്റെ മനസ്സ്‌ എതെല്ലാമോ വഴികളിലൂടെ ഒക്കെ സഞ്ചരിച്ചു.ഇന്നത്തെ ലോകം കൊള്ളക്കാരുടെയും കൊലപാതകികളുടെയും പിടിയിലാണല്ലോ എന്നൊക്കെയോര്‍ത്ത്‌ എന്റെ രക്തം തിളക്കാന്‍ തുടങ്ങി.അപ്പോഴാണു ബസ്സില്‍ ഒരു സ്ത്രീ കൈയ്യില്‍ കുറച്ചു കാര്‍ഡുകളുമായി കേറി വന്നത്‌.എനിക്ക്‌ ഈ കൂട്ടരെ കാണുന്നതേ വെറുപ്പാണു. വേറെ ഒന്നുമല്ല,അവരെ സഹായിക്കാന്‍ മനസില്ലാഞ്ഞിട്ടും അല്ല്ല,ഈ വഴി അവലംബിച്ച്‌ തട്ടിപ്പ്‌ നടത്തുന്നവരെ ഓര്‍ത്തിട്ടാണു എനിക്കിവരോട്‌ വെറുപ്പ്‌ തോന്നുന്നത്‌.അപ്പൊഴേക്കും അവര്‍ എന്റെ മടിയിലേക്കും ഒരു കാര്‍ഡ്‌ ഇട്ടിരുന്നു.ഞാന്‍ അതു ശ്രദ്ധിക്കാതെ മനഃപൂര്‍വ്വം പുറത്തോട്ട്‌ നോക്കിയിരുന്നു.പക്ഷേ ഞാന്‍ ആ കാര്‍ഡിലെഴുതിയതു പെട്ടെന്നൊന്നു വായിച്ചിരുന്നു.അതില്‍ ആ സ്ത്രീയുടെ ഭര്‍ത്താവ്‌ മരിച്ച്‌ പോയെന്നും അവര്‍ക്കും രണ്ടു പെണ്മക്കളുള്ളതില്‍ ഒരാള്‍ക്ക്‌ മാനസീകരോഗം ബാധിച്ചിരിക്കുകയാണെന്നും മാത്രമല്ല അവര്‍ ഒരു ഹൃദ്രോഗി യാണെന്നും സഹായത്തിനാരും ഇല്ലാത്തതിനാല്‍ നിങ്ങള്‍ കഴിയുന്ന രീതിയില്‍ സഹായിക്കണമെന്നും എഴുതിയിരുന്നു. കുറച്ചു കഴിഞ്ഞ്‌ അവര്‍ മറ്റുള്ളവരില്‍നിന്നും കിട്ടിയ പൈസയും ശേഖരിച്ചു എന്റെ അടുത്ത്‌ വരെ എത്താറായി. അവര്‍ കുറച്ചു നേരം എന്റെ അടുത്തു വന്നു നിന്നുവെന്നു തോന്നുന്നു.എന്തെങ്ങിലും അവര്‍ എന്നില്‍ നിന്നും കിട്ടുമെന്ന് വിചാരിച്ചിക്കണം എന്ന് എന്റെ മനസ്സില്‍ തോന്നി.അല്‍പസമയത്തിനു ശേഷം അവര്‍ ബസ്സില്‍ നിന്നിറങ്ങി പോയി.എന്നില്‍ ഇതു പൊലുള്ള തട്ടിപ്പുകാരോടുള്ള വിദ്വേഷം കൂടിവന്നു.ബസ്സു പോകാന്‍ ഇനി കുറച്ചു നിമിഷങ്ങള്‍ മാത്രം,അപ്പോഴണു പുറത്ത്‌ ഒരാള്‍ക്കൂട്ടം കണ്ടു ഞാന്‍ അങ്ങോട്ട്‌ ചെന്നത്‌.ഞാന്‍ ഒരു നിമിഷത്തേക്ക്‌ സ്തംഭിച്ച്‌ നിന്നു.നേര്‍ത്തെ ബസ്സില്‍ വന്ന സ്ത്രീ അവിടെ മരിച്ചു കിടക്കുന്നു.അവിടെ അവിടെയായി ചിതറിയ നാണയതുട്ടുകള്‍...ആരൊ പറയുന്നതു കേട്ടു..പെട്ടെന്നുണ്ടായ ഹാര്‍ട്ട്‌ അറ്റാക്കാണു മരണകാരണം എന്ന്.എന്റെ മനസ്സിന്റെ എതോ ഒരു കോണില്‍ ഒരു നീറ്റല്‍...എന്റെ കൈയ്യിലുണ്ടായിരുന്ന നാണയതുട്ടുകള്‍ ആ ചിതറിക്കിടക്കുന്ന തുട്ടുകളിക്ക്‌ ഇട്ട്‌ ഞാന്‍ ബസ്സിനെ ലക്ഷ്യമാക്കി നടന്നു.

മാമ്മലശ്ശേരി-എന്റെ ഗ്രാമം

2007-07-08T06:51:00.000-07:00

മാമ്മലശ്ശേരിയില്‍ വെള്ളപ്പൊക്കം

കുറെ നാളായികേരളം ശക്തമായ മഴയുടെ പിടിയിലാണു.ആ മഴയും വെള്ളപ്പൊക്ക ഭീഷിണിയും മാമ്മലശ്ശേരിയിലും ഉണ്ടായി. ഇവിടെ രണ്ടു വട്ടമായി ചെറിയ വെള്ളപ്പൊക്കങ്ങള്‍ ഉണ്ടായി.അതില്‍ അവസാത്തേത്‌ ജൂലൈ മാസം മൂന്നാം തിയ്യതി ആയിരുന്നു.കേരളത്തിലെ മറ്റു ജില്ലകളില്‍ ഉണ്ടായ ദുരിതങ്ങള്‍ കണക്കിലെടുത്താല്‍ ഇതു നിസ്സാരം.പിന്നെ ഇതു നിങ്ങളുടെ അരിവിലേക്കയി പറഞ്ഞുവെന്നു മാത്രം.

Flood in Mammalassery
There is a flood in mammalassery village in two times.Several days Kerala was under the clutches of terrible rain and flood. The last flood was in 3-7-2007.The flood here is nothing when compared to the floods in the other districts or places in Kerala. None the less I, just write it. It is only for your information about my village.

മാമ്മലശ്ശേരി-എന്റെ ഗ്രാമം

2007-07-08T02:04:00.000-07:00

മാമ്മലശ്ശേരി ശ്രീരാമസ്വാമി ക്ഷേത്രത്തിന്റെ ഐതീഹ്യം

എറണാകുളം ജില്ലയില്‍ പിറവത്തിനും രാമമംഗലത്തിനും മദ്ധ്യേ ചരിത്രമുറങ്ങുന്ന മാമ്മലശ്ശേരി എന്ന അനുഗ്രഹീതമായ സ്ഥലത്ത്‌ നൂറ്റാണ്ടുകള്‍ പഴക്കമുള്ള ശ്രീരാമ ക്ഷേത്രം സര്‍വ്വ ഐശ്വര്യദായകമായി മൂവാറ്റുപുഴയാറിന്റെ തീരത്തു സ്ഥിതി ചെയ്യുന്നു।പഴമ വിളിച്ചോതുന്ന തച്ചുശാസ്ത്ര വൈദദ്ധ്യവും വാസ്തുശില്‍പ്പ കലാനൈപുണ്യവും കാലപ്രയാണത്തെ അതിജീവിച്ചു പ്രൗഢഗംഭീരമായി നിലകൊള്ളുന്നു।രാമായണകഥയിലെ പ്രസിദ്ധമായ ഭാഗം ഇവിടെ അരങ്ങേറിയെന്നാണു വിശ്വാസം।മാനായി വന്ന് സീതയെ മോഹിപ്പിച്ച മരീചനെന്ന രാക്ഷസന്‍ ഒടുവില്‍ രാമബാണമേല്‍ക്കുന്നു। അങ്ങനെ മാന്‍ മലച്ചുവീണ സ്ഥലമാണു പില്‍ക്കാലത്ത്‌ മാമ്മലശ്ശേരി എന്നയതെന്നും രണ്ടായി പിളര്‍ന്ന മാനിന്റെ മേല്‍ഭാഗം വീണ സ്ഥലം മേമുറി എന്നും കീഴ്ഭാഗം വീണ സ്ഥലം കീഴ്മുറി എന്നുമാണു വിശ്വാസം.മേല്‍പ്പറഞ്ഞ രണ്ടു സ്ഥലങ്ങളും മാമ്മലശ്ശേരിക്കടുത്തുതന്നെ എന്നത്‌ ഈ വിശ്വാസത്തെ സാധൂകരിക്കുന്നു.കേരളത്തിലെ എണ്ണപ്പെട്ട ശ്രീരാമ ക്ഷേത്രങ്ങളില്‍ ഒന്നായ ഈ ക്ഷേത്രം വലിപ്പംകൊണ്ടും ചൈതന്യംകൊണ്ടും ആചാരനുഷ്ഠാനങ്ങള്‍ കൊണ്ടും ചൈതന്യം കൊണ്ടും ആചാരനുഷ്ഠാനങ്ങള്‍കൊണ്ടും ഏറെ ബ്രഹത്‌ അണു്‌.

Mammalassery Sreeramaswami Temple

This temple is situated in Ernakulam district, between Piravom and Ramamangalam (India - Kerala)। This temple is near to the beautiful river called Muvattupuzhayaar.This temple is blessed with the Great Vaasthu silpa kala,which gives the strength to exist so many years. There is a story for this temple. In Ramayana ,to accomplish Seetha's desire, Rama killed a the beautiful deer which was a Beast .The place were the dead body of the beast is patterned it was give away the name Mammalassery. The top part of beast's body pattened area was told Memmmury and the bottem part patterned area as Kizhumury.These places are near to Mammalassery.
According to Folktales, this is reason for the formation of Mammalassery Temple।This is one of the SreeRama Temples existing in Kerala.This Temple is at its peak ,because of the conventions and the stateliness.

മാമ്മലശ്ശേരി-എന്റെ ഗ്രാമം

2007-07-07T07:40:00.000-07:00

ദാരുണമായ അന്ത്യം

കേള്‍ക്കുമ്പോള്‍ എല്ലാവര്‍ക്കും വെറുപ്പു തോന്നുന്ന വര്‍ഗ്ഗമാണല്ലോ തെരുവു നായ്ക്കള്‍।അവയിലൊന്നിന്റെ ദാരുണമായ അന്ത്യമാണു ഞാന്‍ ഇവിടെ വിവരിക്കുന്നത്‌. എനിക്കു വളരെ വിഷമം തോന്നിയ നിമിഷം ആണത്‌. സംഭവം നടന്നത്‌ ഞാന്‍ ശരിക്കും ഓര്‍ക്കുന്നില്ല,2007 ജൂണ്‍ മാസം ആണെന്ന് തോന്നുന്നു.പിറവം ബസ്സ്‌ സ്റ്റാന്റാണു സ്ഥലം(എറണാകുളത്തു നിന്നും എകദേശം 32 കി.മീ. ).ഞാന്‍ കോളേജില്‍ പോകുന്നതിനയി ബസ്സ്‌ കാത്ത്‌ നില്‍ക്കുകയായിരുന്നു.പെട്ടെന്നു ഒരു ബസ്സ്‌ റോഡിലൂടെ വന്നു അതിലൂടെ പോയ ഒരു തെരുവു പട്ടിയെ യാതൊരു ദാക്ഷണ്യവുമില്ലാതെ ഇടിഛ്‌ ഇട്ടിട്ടു പോയി.എന്നാല്‍ ആ ബസ്സിലെ കണ്ടക്ടര്‍ ഒരു ചിരിയൊടെ ബസ്സില്‍ നിന്നും ഇറങ്ങി പൊവുകയണുണ്ടായത്‌.ബസ്സ്‌ ആ പട്ടിയെ ഇടിഛിട്ട്‌ കുറഛു ദൂരം വലിഛു കൊണ്ടുപോയി.ഈ സംഭവത്തില്‍ ആരും ഒരു ശ്രദ്ധയും കൊടുത്തില്ല.എല്ലാം ഒരു സാധാരണ സംഭവം പോലെ എന്നൊരു മട്ട്‌.അ പട്ടിയുടെ ദാരുണമായ അന്ത്യം എനിക്കു ഇപ്പൊഴും ഓര്‍ക്കാന്‍ പോലും ആകുന്നില്ല.ഇവിടെ ഒരു മനുഷ്യന്‍ വണ്ടി കെറി ചത്താല്‍ ഹര്‍ത്താല്‍ ആചരിക്കുന്നവര്‍ക്കു ഈ കാര്യങ്ങളില്‍ ഒരു ശ്രദ്ധയും ഇല്ലാത്തതു വിഷമിപ്പിക്കുന്ന ഒന്നാണു.ഈ ഒരു സംഭവം എന്നെ ഭയങ്കരമായി സ്പര്‍ശിഛതിനാലാണു ഞാനിതു പറയുന്നത്‌.